శ్రీకాంత్ చేతుల మీదుగా ‘ఒక కోర్టు కేస్’ మూవీ టీజర్ లాంచ్

▪️చిత్ర యూనిట్‌పై ప్రశంసలు కురిపించిన శ్రీకాంత్
▪️ జూలై 17న థియేటర్లలో గ్రాండ్ రిలీజ్
▪️ ఆసక్తిరేపే, ఆశ్చర్యపరిచే కథాంశంతో తెరకెక్కిన చిత్రం

హైదరాబాద్:
ప్రేమ, విరహం, మోసం వంటి అంశాల చుట్టూ ఇప్పటికే టాలీవుడ్‌లో ఎన్నో సినిమాలు వచ్చినప్పటికీ, ప్రేమలో మోసపోయిన ఓ యువకుడు తనకు జరిగిన అన్యాయానికి న్యాయం కోరుతూ కోర్టును ఆశ్రయించడం అనే వినూత్న కథాంశంతో తెరకెక్కుతున్న చిత్రం ‘ఒక కోర్టు కేస్’.
ఓపెన్ ఐస్ ఎంటర్‌టైన్‌మెంట్‌ పతాకంపై నాగేష్ పూడి, ముకేష్ పూడి సమర్పణలో, అండమాన్‌కు చెందిన యువ దర్శకుడు గణేష్ పూడి కథ, స్క్రీన్‌ప్లే అందిస్తూ స్వయంగా దర్శకత్వం వహించి నిర్మించిన ఈ చిత్ర టీజర్‌ను ప్రముఖ హీరో శ్రీకాంత్ ఆవిష్కరించారు.
ఈ సందర్భంగా శ్రీకాంత్ మాట్లాడుతూ.. “టీజర్ చాలా ఆసక్తికరంగా ఉంది. ప్రస్తుతం యువతకు దగ్గరగా ఉండే అంశాన్ని దర్శకుడు కొత్త కోణంలో చూపించే ప్రయత్నం చేశారు. ప్రేమలో జరిగే సంఘటనలను లీగల్ డ్రామాగా మలచడం ఆసక్తికరంగా అనిపించింది. టీజర్‌లో ప్రతి షాట్ ప్రేక్షకుల్లో ఉత్కంఠను పెంచేలా ఉంది. గణేష్ పూడి, చిత్ర యూనిట్‌కు నా అభినందనలు. సినిమా మంచి విజయాన్ని సాధించాలని కోరుకుంటున్నాను” అని అన్నారు.

దర్శకుడు, నిర్మాత గణేష్ పూడి మాట్లాడుతూ.. “మా సినిమా టీజర్‌ను శ్రీకాంత్ గారు విడుదల చేసి, చిత్ర బృందాన్ని అభినందించడం ఎంతో ఆనందంగా ఉంది. ఆయనకు మా హృదయపూర్వక కృతజ్ఞతలు. ‘ప్రతి ప్రేమికుడికి తన ప్రేమ కోసం పోరాడే హక్కు ఉంది’ అనే క్యాప్షన్‌తో విడుదల చేసిన టీజర్‌కు ఇప్పటికే అద్భుతమైన స్పందన లభిస్తోంది. ప్రేమలో మోసపోయిన వ్యక్తి న్యాయం కోసం చేసే పోరాటాన్ని వినోదాత్మకంగా, భావోద్వేగాలతో కూడిన లీగల్ డ్రామాగా తెరకెక్కించాం. ఈ సినిమా ప్రధానంగా బ్రేకప్ తర్వాత జరిగే ప్రతీకారం (Post Breakup Retaliation) అనే అంశాన్ని కూడా చూపిస్తుంది. ప్రేక్షకులకు ఇది కొత్త అనుభూతిని అందిస్తుందనే నమ్మకం ఉంది” అని తెలిపారు.

హీరో సూర్యాన్ష్ మాట్లాడుతూ.. “‘ఒక కోర్టు కేస్’ నా కెరీర్‌లో చాలా ప్రత్యేకమైన సినిమా. ప్రేమలో మోసపోయిన ఓ యువకుడు తన ప్రేమ కోసం, తనకు జరిగిన అన్యాయానికి వ్యతిరేకంగా న్యాయం కోసం చేసే పోరాటం ఈ చిత్రంలో ప్రధానాంశం. దర్శకుడు గణేష్ పూడి గారు కథను చాలా కొత్తగా తీర్చిదిద్దారు. టీజర్‌కు వస్తున్న స్పందన మాకు ఎంతో ఉత్సాహాన్నిస్తోంది. జూలై 17న ప్రేక్షకుల ముందుకు రాబోతున్న మా సినిమాను అందరూ ఆదరించాలని కోరుకుంటున్నాను” అని అన్నారు.

హీరోయిన్ తనిషా మిశ్రా మాట్లాడుతూ.. “ఈ సినిమాలో నాకు చాలా ప్రాధాన్యమైన పాత్ర దక్కింది. ప్రేమ, భావోద్వేగాలు, సంఘర్షణలతో కూడిన నా పాత్ర ప్రేక్షకులకు తప్పకుండా నచ్చుతుంది. కథ విన్నప్పుడే ఇది సాధారణ ప్రేమకథ కాదని అర్థమైంది. దర్శకుడు గణేష్ పూడి గారు ప్రతి పాత్రను ఎంతో బలంగా మలిచారు. టీజర్‌కు లభిస్తున్న ఆదరణ ఎంతో ఆనందంగా ఉంది. ప్రేక్షకులు సినిమాను కూడా ఆదరిస్తారని ఆశిస్తున్నాను” అని తెలిపారు.

ఈ చిత్రంలో హీరో సూర్యాన్ష్, హీరోయిన్ తనిషా మిశ్రాతో పాటు సీనియర్ నటులు థర్టీ ఇయర్స్ పృథ్వి, సత్యకృష్ణ, దయానంద్, ముక్తార్ తదితరులు కీలక పాత్రల్లో నటించారు.
ప్రేమలోని కొత్త కోణాన్ని ఆవిష్కరించే ఈ వినూత్న లీగల్ లవ్ డ్రామా 2026 జూలై 17న ప్రేక్షకుల ముందుకు రానుంది.

చిత్ర వివరాలు
బ్యానర్: ఓపెన్ ఐస్ ఎంటర్‌టైన్‌మెంట్‌
కథ, స్క్రీన్‌ప్లే, దర్శకత్వం & నిర్మాణం: గణేష్ పూడి
సమర్పణ: నాగేష్ పూడి, ముకేష్ పూడి
ఎగ్జిక్యూటివ్ ప్రొడ్యూసర్: పి.సి. రాజారావు
ఛాయాగ్రహణం: ధారన్ సుక్రే
సంగీతం: హర్ష ప్రవీణ్
పీఆర్వో: అశోక్ దయ్యాల