మూడు రోజుల్లో ‘ఈషా’ బ్రేక్‌ఈవెన్‌.. బ్లాక్‌బస్టర్‌ హిట్‌ ఈషా ఈ రోజు నుంచి లాభాల బాటలోకి…

ఇటీవల లిటిల్‌హార్ట్స్‌, రాజు వెడ్స్‌ రాంబాయి వంటి బ్లాక్‌బస్టర్స్‌ అందించిన బన్నీవాస్‌, వంశీ నందిపాటిల సక్సెస్‌ఫుల్‌ ద్వయం తాజాగా నందిపాటి ఎంటర్ టైన్ మెంట్స్, బన్నీ వాస్ వర్క్స్ బ్యానర్స్ పై ‘ఈషా’అనే హారర్‌ థ్రిల్లర్‌ను అందించారు. ఈ క్రిస్మస్‌కు విడుదలైన ఈ చిత్రం ఈ క్రిస్మస్‌ విజేతగా నిలిచింది. అంతేకాదు ఈ చిత్రంతో ఈ మిత్రద్వయం హ్యట్రిక్‌ విజయాలను అందుకున్నారు. విడుదలైన మూడు రోజుల్లో 4 కోట్ల 80 లక్షల గ్రాస్‌ను వసూలు చేసిన బ్లాక్‌బస్టర్‌ ‘ఈషా’ చిత్రం ఈ రోజు నుంచి లాభాల బాటల్లో అడుగుపెట్టింది. పెయిడ్‌ ప్రీమియర్స్‌ దగ్గర నుంచే స్ట్రాంగ్‌ కలెక్షన్స్‌తో అద్బుతమైన ఓపెనింగ్స్‌తో ప్రారంభమైన ‘ఈషా’ బ్లాక్‌బస్టర్‌ టాక్‌ను సొంతం చేసుకోవడంతో పాటు రోజు రోజుకు కలెక్షన్స్‌ పెంచుకుంటూ ఈ క్రిస్మస్‌ విజేతగా నిలిచింది. రానున్న రోజుల్లో ఈషా బాక్సాఫీస్‌ వద్ద మరిన్ని సంచలనాలు క్రియేట్‌ చేస్తుందని అంటున్నాయి ట్రేడ్‌ వర్గాలు. అఖిల్‌రాజ్‌ త్రిగుణ్‌ హీరోలుగా నటించిన ఈ చిత్రంలో హెబ్బాపటేల్‌ కథానాయిక. సిరి హనుమంతు, బబ్లూ, పృథ్వీరాజ్‌ ఇతర ముఖ్యపాత్రల్లో నటించారు. హెచ్‌వీఆర్‌ ప్రొడక్షన్స్‌ పతాకంపై ప్రముఖ నిర్మాత కేఎల్‌ దామోదర ప్రసాద్‌ సమర్పణలో హేమ వెంకటేశ్వరరావు ఈ చిత్రాన్ని నిర్మించారు. శ్రీనివాస్‌ మన్నె దర్శకత్వంలో ఈ చిత్రం తెరకెక్కింది.