సెన్సార్ పూర్తి చేసుకున్న సునీల్ కుమార్ రెడ్డి “ కాక్రోచ్ “

సమాజం చీత్కరించుకొనే మురికి మనుషుల మధ్య నడిచే అందమైన ప్రేమ కథ “కాక్రోచ్”. అడ్డురోడ్ లో పడుపు వృత్తి చేసుకొనే వేశ్యకి , ఒక కిరాయి హంతకుడికి మధ్య సాగే స్వచ్ఛమైన స్నేహం “కాక్రోచ్”.
భ్రష్టు పట్టిన అవినీతి సమాజపు చీకటి ని మీకు పరిచయం చేసే చిక్కటి చిత్రం “కాక్రోచ్.”

కాక్రోచ్ ని చంపితే చప్పట్లు కొడుతూ, సీతాకోక చిలుకలపై కవితలు రాసే ద్వంద విలువల మనస్తత్వాలని ప్రశ్నించే పాత్రలతో దర్శకుడు పి.సునీల్ కుమార్ రెడ్డి , శ్రీ లక్ష్మి పిక్చర్స్ బ్యానర్ పై బి. బాపిరాజు నిర్మాతగా వ్యవహరించిన చిత్రం “కాక్రోచ్ “ సెన్సార్ కార్యక్రమాలు పూర్తి చేసుకుంది.

చిత్రానికి సెన్సార్ బోర్డు “ఏ “సర్టిఫికెట్ మంజూరు చేసింది. సున్నిత మనస్కులు మరియు పిల్లలు ఈ చిత్రానికి దూరం గా ఉండాలని దర్శక నిర్మాతలు సవినయంగా పత్రికాముఖంగా గా కోరుకుంటున్నారు.
చిత్రాన్ని మార్చి మొదటి వారం లో విడుదల చెయ్యడానికి సన్నాహాలు చేస్తున్నట్టు వారు ఆ ప్రకటనలో తెలిపారు.
ఈ చిత్రం లో ఉన్న హింసాత్మక పోరాటాలను సహజం గా చూపించడానికి రియల్ ఫైటర్స్ ని నటులు గా ఎన్నుకోవడం జరిగింది. అభిలాష్ సుంకర , ప్రేమసన్ , నవీన్ లు నిజజీవిత ఆధారిత కిరాయి హంతకులుగా నటించగా, సొంతవూరు చిత్రం లో ఉత్తమ నటి అవార్డు గ్రహీత “తీర్థ “ ఒక ముఖ్య పాత్ర పోషించగా , మీనాక్షి, రామన్ , బుగత, అంజి, ప్రదీప్. సముద్రం వెంకటేష్ , మల్లిక, ఎఫ్ ఎమ్ బాబాయ్, రాజు, బాలాజీ , ఎల్ బీ రమణ ఆర్ కే సింగ్. పూజా , పొట్టి మూర్తి , ప్రసాద్ , రేలారే రఘు బృందం , జానీ తదితరులు ముఖ్య పాత్రలు పోషించారు.

చిత్రానికి సంగీతం ప్రదీప్ చంద్ర , ఎడిటర్ రఘు , ఫైట్ మాస్టర్ : ప్రేంసన్,కెమెరా సంతోష్.లిరిక్స్ : ప్రతాప్. సౌండ్: నాగరాజు , నిర్మాతలు : బి బాపిరాజు , ముతుకి నాగ సత్యనారాయణ , రచన దర్శకత్వం పి. సునీల్ కుమార్ రెడ్డి.