‘కటాలన్’కి రవి బస్రూర్ మ్యూజిక్

కేజీఎఫ్, మార్కో వంటి సినిమాలతో దక్షిణ భారతంలో సంచలనంగా మారిన రవి బస్రూర్, మరోసారి తన సంగీతంతో మ్యూజికల్ సంచలనం సృష్టించడానికి రెడీ అయ్యారు. క్యూబ్స్ ఎంటర్‌టైన్‌మెంట్స్ బ్యానర్‌పై షరీఫ్ మహమ్మద్ నిర్మిస్తున్న భారీ యాక్షన్ థ్రిల్లర్ “కటాలన్” కోసం ఆయనను సంగీత దర్శకుడిగా తీసుకున్నారు. ముందుగా ఈ చిత్రానికి బి. అజనీష్ లోకనాథ్ సంగీతం అందిస్తారని వార్తలు వచ్చాయి, కానీ ఇప్పుడు అధికారికంగా రవి బస్రూర్ ఈ బాధ్యతలు చేపట్టినట్లు ప్రకటించారు.
పాన్-ఇండియా స్థాయిలో ప్లాన్ చేసిన ఈ చిత్రం మే 14న ప్రపంచవ్యాప్తంగా థియేటర్లలో విడుదలకు సిద్ధమవుతోంది. మలయాళ సినీ చరిత్రలోనే అతిపెద్ద విడుదలల్లో ఒకటిగా ఇది నిలవనుందని భావిస్తున్నారు. ఈ చిత్రానికి కొత్త దర్శకుడు పాల్ జార్జ్ దర్శకత్వం వహిస్తున్నారు. క్యూబ్స్ ఎంటర్‌టైన్‌మెంట్స్ నుంచి మార్కో తర్వాత వస్తున్న ఈ చిత్రంలో హీరోగా ఆంటోని వర్గీస్ నటిస్తున్నారు.
కేజీఎఫ్ 1, కేజీఎఫ్ 2, సలార్, మార్కో వంటి సినిమాల్లో తన పవర్‌ఫుల్ సాంగ్స్, బ్యాక్‌గ్రౌండ్ స్కోర్‌తో గుర్తింపు పొందిన రవి బస్రూర్, మళ్లీ మలయాళంలోకి వస్తూ థియేటర్లలో ఉత్కంఠభరితమైన అనుభవాన్ని ఇవ్వబోతున్నారు. భారీ యాక్షన్‌తో పాటు ఆయన ప్రత్యేకమైన సంగీతం “కటాలన్”పై అంచనాలను మరింత పెంచింది.
ఈ చిత్రం పూర్తి స్థాయి మాస్ యాక్షన్ థ్రిల్లర్‌గా రూపుదిద్దుకుంటోంది. విజువల్స్, యాక్షన్, సంగీతం అన్నీ కలిపి అంతర్జాతీయ ప్రమాణాలకు తగ్గట్టు ఉండేలా రూపొందిస్తున్నారు. కథను జోబీ వర్గీస్, పాల్ జార్జ్, జెరో జేకబ్ రాయగా, సంభాషణలు ఉన్ని ఆర్ అందించారు.
ఇప్పటికే విడుదలైన టీజర్ ప్రేక్షకుల నుంచి మంచి స్పందనను అందుకుంది. ఇందులో చూపించిన యాక్షన్ సన్నివేశాలు మలయాళ సినిమాల్లో ఇప్పటివరకు చూడని విధంగా ఉండబోతున్నాయి.
ఈ చిత్రం ద్వారా హీరోయిన్‌గా దుషార విజయన్ మలయాళంలోకి అడుగుపెడుతోంది. నటీనటుల్లో సునీల్ (పుష్ప, జైలర్), కబీర్ దుహాన్ సింగ్, రాజ్ తిరందాసు, పార్థ్ తివారీ (కిల్), అలాగే మలయాళ నటులు జగదీష్, సిద్ధిఖ్ కూడా ఉన్నారు. వ్లాగర్-సింగర్ హనన్ షా, రాపర్ బేబీ జీన్, హిప్స్టర్ కూడా ముఖ్య పాత్రల్లో కనిపించనున్నారు.
ఈ చిత్రంలోని యాక్షన్ సన్నివేశాలు థాయ్‌లాండ్‌లో అంతర్జాతీయ ఖ్యాతి పొందిన స్టంట్ డైరెక్టర్ కేచా ఖాంఫక్దీ మరియు ఆయన టీమ్ ఆధ్వర్యంలో చిత్రీకరించారు. ఆంగ్-బాక్ సిరీస్‌లో కనిపించిన “పాంగ్” అనే ఏనుగు కూడా ఈ సినిమాలో భాగమైంది.
షూటింగ్ పూర్తికాకముందే ఈ చిత్రం మలయాళంలో ప్రీ-రిలీజ్ రికార్డులను బద్దలు కొట్టిందని, ఇండస్ట్రీలోనే అతిపెద్ద ఓవర్సీస్ డీల్స్‌లో ఒకటిని సాధించిందని సమాచారం. ఈ చిత్రానికి సంగీత హక్కులను టీ-సిరీస్ సొంతం చేసుకోగా, డిజిటల్, శాటిలైట్ హక్కులను Shemaroo పొందింది. ఓవర్సీస్ రిలీజ్‌ను ఫార్స్ ఫిలిమ్స్ సహకారంతో నిర్వహిస్తున్నారు.
“కటాలన్” మలయాళం, తమిళం, తెలుగు, కన్నడ, హిందీ భాషల్లో విడుదల కానుంది.
సిబ్బంది:
ఎగ్జిక్యూటివ్ ప్రొడ్యూసర్ – జుమాన్ షెరీఫ్
సినిమాటోగ్రఫీ – రెనదివ్
సంగీతం – రవి బస్రూర్
ఎడిటింగ్ – షమీర్ మహమ్మద్
స్టంట్స్ – కేచా ఖంఫక్డీ, యాక్షన్ సంతోష్
ప్రొడక్షన్ డిజైన్ – సునీల్ దాస్
క్రియేటివ్ ప్రొడ్యూసర్ – దీపిల్ దేవ్
ప్రొడక్షన్ కంట్రోలర్ – దీపక్ పరమేశ్వరన్
ఆడియోగ్రఫీ – రాజాకృష్ణన్ M.R.
సౌండ్ డిజైన్ – కిషన్, సప్త రికార్డ్స్
కాస్ట్యూమ్ డిజైన్ – ధన్య బాలకృష్ణన్
మేకప్ – రోనాక్స్ జేవియర్
సాహిత్యం – సుహైల్ కోయా
స్టిల్ ఛాయాగ్రహణం – అమల్ సి.సుధర్
కొరియోగ్రఫీ – షరీఫ్
VFX – 3 Doors
PR & మార్కెటింగ్ – వైశాఖ్ సి వడక్వీడు, జిను అనిల్ కుమార్
మలయాళ PRO – అతిరా దిల్జిత్
మలయాళం డిజిటల్ మార్కెటింగ్ – అబ్స్క్యూరా ఎంటర్‌టైన్‌మెంట్
హిందీ మార్కెటింగ్ – మ్యాక్స్ మార్కెటింగ్ లిమిటెడ్.
తెలుగు PRO – వంశీ శేఖర్
తెలుగు డిజిటల్ మార్కెటింగ్ – హ్యాష్‌ట్యాగ్ మీడియా, దిలీప్
టైటిల్ డిజైన్ – Ident Labs
పబ్లిసిటీ డిజైన్ – ఎల్లో టూత్