మంచి సినిమా ఇస్తే ఆడియెన్స్ ఎప్పుడూ సపోర్ట్ చేస్తారు.. ‘లెనిన్’ సక్సెస్ మీట్‌లో నిర్మాత కింగ్ నాగార్జున

‘లెనిన్’ను ఆదరిస్తోన్న తెలుగు ప్రేక్షకులకు థాంక్స్.. సక్సెస్ మీట్‌లో అఖిల్ అక్కినేని

అఖిల్ హిట్టు కొట్టాడు అని అందరూ అంటుంటే ఆనందంగా ఉంది.. ‘లెనిన్’ సక్సెస్ మీట్‌లో నిర్మాత సూర్య దేవర నాగవంశీ

అఖిల్ అక్కినేని హీరోగా అన్నపూర్ణ స్టూడియోస్ సమర్పణలో మనం ఎంటర్‌ప్రైజెస్ ఎల్ఎల్‌పి, సితార ఎంటర్‌టైన్‌మెంట్స్ బ్యానర్లపై అక్కినేని నాగార్జున, సూర్యదేవర నాగ వంశీ నిర్మించిన చిత్రం ‘లెనిన్’. భాగ్యశ్రీ బోర్సే కథానాయిక. మురళీ కిషోర్ అబ్బూరు దర్శకత్వం వహించారు. ఈ మూవీ జూలై 10న గ్రాండ్‌గా విడుదలై బ్లాక్ బస్టర్ టాక్‌తో సక్సెస్ ఫుల్‌గా దూసుకుపోతోంది. ఈ క్రమంలో శనివారం చిత్ర యూనిట్ విజయోత్సవ వేడుకను నిర్వహించింది. ఈ సక్సెస్ మీట్‌లో

*నిర్మాత కింగ్ నాగార్జున మాట్లాడుతూ ‘‘అన్నమయ్య’ చేశాక నేను దేవుడ్ని ఏదీ అడిగింది లేదు. కానీ తిరుపతిలో ఈవెంట్ అయ్యాక.. స్వామిని దర్శించుకున్నప్పుడు మాత్రం మా వాడికి ఓ హిట్టు ఇవ్వండని అడిగాను. భాగ్యశ్రీ కూడా అదే కోరుకుందని తర్వాత నాకు తెలిసింది. ముందుగా ఆ వెంకటేశ్వరస్వామికి కృతజ్ఞతలు. ‘లెనిన్’కి వాయిస్ ఇచ్చిన నా పెద్ద అబ్బాయి తారక్‌కి థాంక్స్. ఏడాదిన్నర క్రితం ‘తండేల్’ సక్సెస్ మీట్‌కి వచ్చాం. ఇప్పుడు ఇలా ‘లెనిన్’ సక్సెస్‌కి వచ్చాను. ఇద్దరూ నా రెండు కళ్లలాంటి వాళ్లు. ‘లెనిన్’ టీంని చూస్తే అసూయగా ఉంది. అందరూ ఎంతో ఇష్టపడి కష్టపడి చేశారు. ‘శివ’, ‘నిన్నే పెళ్లాడుతా’, ‘అన్నమయ్య’ సినిమాలు కూడా ఇలానే అందరం కలిసి చేశాం. ఈ మధ్య నాకు మళ్లీ ఇలాంటి అనుభవం కలగడం లేదు. ‘లెనిన్’కి పని చేసిన ప్రతీ ఒక్కరికీ థాంక్స్. ఈ జర్నీలో నందుని, నాగవంశీని, ఎడిటర్ నవీన్‌ని ఎక్కువగా కలిశాను. నందు, నవీన్ ఇద్దరూ సైకోలే (నవ్వుతూ). సినిమా పట్ల ఆ ఇద్దరికీ ఎక్కడా లేని పిచ్చి ఉంటుంది. నేను ఎన్ని సలహాలు, ఇన్ పుట్స్ ఇచ్చినా అర్థం చేసుకున్నారు. ఎన్నో వర్షెన్స్‌ రాశారు. డైలాగ్స్ ఎంతో బాగా రాశారు. ఎన్నో గొప్ప డైలాగ్స్ ఎడిట్‌లో పోయాయి. నందు.. ఊరికి గర్వంగా వెళ్లి.. త్వరగా ఇక్కడకు వచ్చేయ్. నవీన్ నూలి రెండు వారాలు ఎక్స్ ట్రా టైం అడిగితే ఇచ్చాం. ఆయన చెప్పిన 90 శాతం కరెక్షన్స్‌ను మేం చేశాం. మా అఖిల్‌ను బృందా మాస్టర్‌ సొంత కొడుకులా చూసుకున్నారు. భాగ్య శ్రీ బ్రిల్లియంట్‌గా నటించారు. ఆమె ఈ చిత్రానికి సోల్, హార్ట్ బీట్. ఈశ్వరీ గారు అందరినీ భయపెట్టారు. శివాజీ, బ్రహ్మాజీ అందరూ అఖిల్‌ను బిడ్డలా చూసుకున్నారు. నాగవంశీ ఈ సినిమాకి పిల్లర్. ప్రమోషన్స్ విషయంలో నాగవంశీ అంతా చూసుకున్నారు. నేను ఎవ్వరితోనూ భాగస్వామిగా వెళ్లను. కానీ నాగవంశీతో మున్ముందు పని చేయాలని కోరుకుంటున్నాను. అఖిల్‌కి చిన్నప్పటి నుంచి ఓ కసి ఉండేది. ఏదైనా సరే సాధించాలనే ఎనర్జీ, తపన ఉంటుంది. మూడు, నాలుగు నెలల పసికందులా ఉన్నప్పుడు ఓ డాక్టర్ చూసి.. ఈ బిడ్డలో ఫుల్ ఆఫ్ ఎనర్జీ ఉండేది చెప్పారు. కాస్త నేల మీద పడుకోబెట్టండి.. అప్పుడే ఎనర్జీని నేల గ్రాబ్ చేస్తుందని అన్నారు. అంత ఎనర్జీ ఉన్న అఖిల్ ఈ మధ్య డల్ అయ్యాడు. ఒక్క అడుగు దూరంలో ఆగిపోతోన్నాడు. అన్ని సినిమాలకు ఒకేలా కష్టపడుతుండేవాడు. అఖిల్ అన్నింటినీ లోలోపలే దాచుకుంటాడు. అఖిల్ హ్యాండ్‌కి సర్జరీ అయినప్పుడు ఎంతో భయపడ్డాను. గాయం పూర్తిగా తగ్గి బయటకు వచ్చాక అఖిల్ పూర్తిగా మారిపోయాడు. ఎంతో ప్రశాంతమైన వ్యక్తిలా కనిపించాడు. తోడు కూడా వచ్చింది. ఇక అఖిల్‌కి గుడ్ టైం స్టార్ట్ అయిందని నాకు అనిపించింది. ఆ టైంలోనే ‘లెనిన్’ పనులు స్టార్ట్ అయ్యాయి. ఇదే థాట్ ప్రాసెస్, కామ్ నెస్‌తో ముందుకు సాగితే మరిన్ని విజయాలు వస్తాయని చెప్పగలను. థమన్ మాకు అద్భుతమైన పాటలు, ఫెంటాస్టిక్ బీజీఎం ఇచ్చారు. అఖిల్‌తో కూడా పాట పాడించాడు. వసంత్ పాత్రలో ప్రమోద్ అద్భుతం చేశాడు. పూనకం వచ్చినట్టుగా నటించాడు. అన్ని మార్కులు ప్రమోద్ కొట్టేస్తాడేమో అనుకున్నా. కానీ క్లైమాక్స్‌లో అఖిల్ అదరగొట్టేశాడు. మంచి సినిమా ఇస్తే ఆడియెన్స్ హిట్ చేస్తారు. మా అక్కినేని ఫ్యాన్స్ మాత్రం.. అఖిల్ ఎప్పుడు వస్తాడా? హిట్ కొడతాడా?.. చైతన్య వస్తాడా? హిట్ కొడతాడా? అని ఎదురు చూస్తుంటారు. ‘తండేల్’ వచ్చినప్పుడు ఫ్యాన్స్ కాలర్ ఎగరేశారు. ఇప్పుడు ‘లెనిన్’ విషయంలో కాలర్ ఎగరేస్తున్నారు. మీడియా కూడా మాకు ఫుల్ పాజిటివ్‌గా సపోర్ట్ చేస్తోంది. ‘లెనిన్’ను సపోర్ట్ చేస్తున్న ప్రతీ ఒక్కరికీ థాంక్స్’ అని అన్నారు.

*హీరో అఖిల్ అక్కినేని మాట్లాడుతూ ‘‘లెనిన్’ ఓ డిఫరెంట్ మూవీ అని మాకు తెలుసు. కమర్షియల్‌గా ఎలాంటి నంబర్స్ వస్తాయో అని అనుకున్నాను. కానీ మా ‘లెనిన్’ చిత్రానికి ప్రేక్షకులు గొప్ప విజయాన్ని అందించారు. నా వల్ల ఏమైనా సినిమా తేడా కొడుతుందా? అని భయపడ్డాను. నా గత చిత్రాల్ని, నా గతాన్ని వదిలేసి ‘లెనిన్’ చిత్రాన్ని సపోర్ట్ చేసిన ఆడియెన్స్‌కి థాంక్స్. కంటెంట్ ఉన్న సినిమాల్ని తెలుగు ఆడియెన్స్ ఎప్పుడూ ఎంకరేజ్ చేస్తారని మరోసారి నిరూపించారు. నందు.. మనం అనుకున్నది సాధించాం. ఇంకా ఇలాంటి కథల్ని రాయాలి. ఊరికి వెళ్లి ఉండొద్దు. ఇక్కడికే వచ్చేయ్. నాగవంశీ గారితో పని చేయడం ఆనందంగా ఉంది. భాగ్యశ్రీ గారితో వర్క్ చేయడం సంతోషంగా ఉంది. ఈశ్వరీ రావు గారు మాకు ఎంతో సహకరించారు. ఆర్టిస్టులంతా మాకెంతో సపోర్ట్ చేశారు. మా నాన్న గురించి మాట్లాడితే ఇంకా ఎమోషనల్ అవుతాను. మళ్లీ నేను ఎక్కువ టైం తీసుకోను. త్వరలోనే మరో కొత్త పాత్ర, కొత్త చిత్రంతో వస్తాను. మాకు ఇంతలా సపోర్ట్ చేస్తున్న తెలుగు ప్రేక్షకులకు థాంక్స్’ అని అన్నారు.

*నిర్మాత సూర్యదేవర నాగవంశీ మాట్లాడుతూ ‘‘నిన్న (శుక్రవారం) ఉదయం నాలుగు గంటల నుంచే ‘లెనిన్’ సందడి మొదలైంది. గంటగంటకి బుక్ మై షోలో టికెట్లు తెగుతూనే ఉన్నాయి. తిరుపతిలోని 9 థియేటర్లలో ఆరు థియేటర్లలో సినిమా వేస్తే అన్నీ హౌస్ ఫుల్స్ పడ్డాయి. అందరూ స్క్రీన్స్ యాడ్ చేయమని అడుగుతున్నాను. సీడెడ్‌లో దాదాపు అన్ని చోట్లా హౌస్ ఫుల్స్ పడ్డాయి. ఊహించిన దానికంటే సినిమాకి ఎక్కువ రెస్పాన్స్ వచ్చింది. నాగార్జున గారి కంట్లోంచి నీళ్లు వచ్చాయి. ఈ సినిమా విజయం సాధించింది అని చెప్పడానికి అంతకంటే ఏం చూపించగలం. ఇన్నేళ్లలో నాగార్జున గారు అలా ఎమోషనల్ అవ్వడం నేను చూడలేదు. నాగార్జున గారు ‘లెనిన్’ విషయంలో మాకెంతో సపోర్ట్ చేశారు. అన్ని విషయాల్లో మాకు ఫ్రీడం ఇచ్చారు. ఎడిటర్ నవీన్ సితార ఆఫీసులోనే ఎడిట్ చేశారు. నాగార్జున గారు నా కంటే ఎక్కువగా మా ఆఫీస్‌కి వెళ్లారు. తమన్ కూడా మాకు ఎప్పుడంటే అప్పుడు వచ్చి సపోర్ట్ చేశారు. నందు.. ఇప్పుడైనా బయటకు రా.. డైరెక్టర్ అని చెప్పుకోండి (నవ్వుతూ). సోషల్ మీడియాలో ప్రతీ ఒక్కరూ మనోడు హిట్టు కొట్టాడు.. అఖిల్ హిట్టు కొట్టాడు అని అంటుంటే ఆనందంగా ఉంది. రీల్స్, మీమ్స్‌లోనూ అదే కనిపిస్తోంది. అఖిల్ హిట్ కొట్టాలని ప్రతీ ఒక్కరూ కోరుకున్నారు. అన్ని ఏరియాల్లో మంచి రెస్పాన్స్ వచ్చింది. ఇంత గొప్ప విజయం అందించిన ప్రేక్షకులకు థాంక్స్’ అని అన్నారు.

*దర్శకుడు మురళీ కిషోర్ అబ్బూరు మాట్లాడుతూ ‘‘నాకు ఇంత గొప్ప అవకాశం ఇచ్చిన నాగవంశీ గారు, నాగార్జున గారికి థాంక్స్. యుద్దమే కాదు.. సక్సెస్‌ని కూడా ప్రశాంతంగా సెలెబ్రేట్ చేసుకుంటున్నాను. పదహారేళ్ల తరువాత నా సొంత ఊరికి గర్వంగా వెళ్తున్నాను. నాగార్జున గారే హీరో అనుకుని ప్రతీ సీన్‌ను వివరించేవాడ్ని. నన్ను ఈ జర్నీలో నాగార్జున గారు ఎంతో నమ్మారు. నవీన్ గారు నాకు ఎంతో సపోర్ట్ చేశారు. మాకు తమన్ ఎంతో సహరించారు. బ్రిట్టోతో నాకు మంచి ర్యాపో ఉంటుంది. అఖిల్ చాలా మంచి వ్యక్తి. ఆయన డెడికేషన్ వల్లే ఇదంతా సాధ్యమైంది. భాగ్యశ్రీ గారు.. ఇకపై నవ్వుతూనే ఉండండి. ఈ జర్నీలో సపోర్ట్ చేసిన ప్రతీ ఒక్కరికీ థాంక్స్’ అని అన్నారు.

*హీరోయిన్ భాగ్యశ్రీ బోర్సే మాట్లాడుతూ ‘‘లెనిన్’ చిత్రంలో భారతీ లాంటి గొప్ప పాత్రను నాకు ఇచ్చిన దర్శకుడు నందు, నిర్మాతలు నాగార్జున గారు, నాగవంశీ గారికి థాంక్స్. అఖిల్ పడిన కష్టానికి తగ్గ ప్రతిఫలం వచ్చింది. ప్రమోద్ అద్భుతమైన నటుడు. బ్రహ్మాజీ గారు, శివాజీ గారు, ఈశ్వరీ రావు గొప్పగా నటించారు. తమన్ బీజీఎం అమేజింగ్. లియోన్ మా అందరినీ అద్భుతంగా చూపించారు. మేం పడిన కష్టానికి తగ్గ ప్రతిఫలం ఇచ్చిన ఆడియెన్స్‌కి థాంక్స్’ అని అన్నారు.

నటీనటులు : అఖిల్ అక్కినేని, భాగ్యశ్రీ బోర్సే, సునీల్, శివాజీ, బ్రహ్మాజీ తదితరులు

సాంకేతిక బృందం
రచన, దర్శకత్వం : మురళి కిషోర్ అబ్బూరు
నిర్మాత : అక్కినేని నాగార్జున, సూర్యదేవర నాగవంశీ
బ్యానర్స్‌ : మనం ఎంటర్‌ప్రైజెస్ ఎల్ఎల్‌పి, సితార ఎంటర్‌టైన్‌మెంట్స్
సమర్పణ : అన్నపూర్ణ స్టూడియోస్
మ్యూజిక్ : థమన్ ఎస్
ఎడిటర్ :నవీన్ నూలి
సినిమాటోగ్ర‌ఫీ :లియోన్ బ్రిట్టో
ప్రొడక్షన్ డిజైనర్ :అవినాష్ కొల్లా
ఎగ్జిక్యూటివ్ ప్రొడ్యూసర్ :ఆనంద్ రెడ్డి కర్నాటి
పోస్ట్ ప్రొడక్షన్ : అన్నపూర్ణ స్టూడియోస్
కలరిస్ట్: వివేక్ ఆనంద్
మార్కెటింగ్: వాల్స్ అండ్ ట్రెండ్స్
పి.ఆర్‌.ఒ : వంశీ కాకా