“చెన్నై లవ్ స్టోరీ” నుంచి గుర్తుందా.. సాంగ్ విడుదల

హీరో కిరణ్ అబ్బవరం, శ్రీ గౌరి ప్రియ జంటగా “కలర్ ఫొటో”, “బేబి” వంటి కల్ట్ క్లాసిక్ మూవీస్ ప్రేక్షకులకు అందించిన మేకర్స్ ఎస్ కేఎన్, సాయి రాజేశ్ కాంబినేషన్ లో రూపొందుతున్న “చెన్నై లవ్ స్టోరీ” సినిమాకు బిజినెస్ పరంగా మంచి క్రేజ్ ఏర్పడుతోంది. ఈ చిత్రాన్ని అమృత ప్రొడక్షన్స్, మాస్ మూవీ మేకర్స్ బ్యానర్స్ పై ఎస్ కేఎన్, సాయి రాజేశ్ నిర్మిస్తున్నారు. సాయి రాజేశ్ కథను అందిస్తున్న ఈ చిత్రానికి రవి నంబూరి దర్శకత్వం వహిస్తున్నారు. ప్రస్తుతం ఈ సినిమా చిత్రీకరణ తుది దశలో ఉంది. మెలొడీ బ్రహ్మ మణిశర్మ “చెన్నై లవ్ స్టోరీ” సినిమాకు సంగీతాన్ని అందిస్తున్నారు. ఈ రోజు ఈ సినిమా నుంచి గుర్తుందా సాంగ్ లాంఛ్ ఈవెంట్ ను హైదరాబాద్ లో ఘనంగా నిర్వహించారు. ఈ కార్యక్రమంలో

ఎడిటర్ సంతోష్ నాయుడు మాట్లాడుతూ – మణిశర్మ నా ఫేవరేట్ మ్యూజిక్ డైరెక్టర్. ఆయన మ్యూజిక్ చేస్తున్న “చెన్నై లవ్ స్టోరీ” మూవీ టీమ్ లో నేను వర్క్ చేయడం సంతోషంగా ఉంది. ఈ మూవీకి మీ అందరి సపోర్ట్ ఉండాలని కోరుకుంటున్నా. అన్నారు.

ఎడిటర్ విప్లవ్ మాట్లాడుతూ – గుర్తుందా పాట మీ అందరికీ నచ్చిందని నమ్ముతున్నాను. ఈ మూవీ ప్రమోషనల్ కంటెంట్ కు నేను వర్క్ చేస్తున్నాను. మణిశర్మ గారితో కలిసి వర్క్ చేయడం అదృష్టంగా భావిస్తున్నాను. ఎస్ కేఎన్, సాయి రాజేశ్..ఇలా నా సొంత టీమ్ తో మళ్లీ కలిసి వర్క్ చేసే అవకాశం రావడం హ్యాపీగా ఉంది. అన్నారు.

నటుడు మహేందర్ మాట్లాడుతూ – నా లైఫ్ లో విన్న ఎక్కువ మ్యూజిక్ మణిశర్మ గారిదే. ఈ పాట పోస్టర్ లో కనిపిస్తున్న స్టిల్ కోసం మూడు గంటలు హీరో హీరోయిన్స్ కిరణ్ అబ్బవరం, శ్రీ గౌరీ ప్రియ చలిలో బీచ్ లో అలా కూర్చుని ఉన్నారు. వారు ఈ మూవీ కోసం ఎంత డెడికేటెడ్ గా వర్క్ చేశారో దీంతో అర్థం చేసుకోవచ్చు. అన్నారు.

డీవోపీ విశ్వాస్ డేనియల్ మాట్లాడుతూ – నేను కిరణ్ అబ్బవరం గారితో చేస్తున్న ఐదో చిత్రమిది. అమేజింగ్ స్టోరీతో ఈ సినిమా మీ ముందుకు రాబోతోంది. గుర్తుందా సాంగ్ ఎంత బాగుందో మూవీ మొత్తం అదే ఫీల్ తో ఉంటుంది. మా అందరికీ ఇదొక కొత్త తరహా మూవీ. ఇకపై మా సినిమా నుంచి రాబోయే ప్రతి కంటెంట్ మిమ్మల్ని ఆకట్టుకుంటుంది. అన్నారు.

లిరిసిస్ట్ అనంత శ్రీరామ్ మాట్లాడుతూ – మేము చెప్పింది గొప్ప అనే అహాన్ని మరచి ప్రతి ఒక్కరూ ఈ సినిమా కోసం పనిచేశారు. ఎవరు ఏం చేసినా, ఏం చెప్పినా సినిమా కోసమే అనుకున్నారు. అందుకే ఈ మూవీ ప్రతి విషయంలో గెలుస్తుంది అని చెప్పగలను. ఈ సాంగ్ కోసం నేను పల్లవి రాశాక మణిశర్మ గారు సంగీతాన్ని అందించారు, చరణం మణిశర్మ గారు కంపోజ్ చేశాక నేను లిరిక్స్ రాశాను. ఎలాంటి ఈగో లేకుండా మేమంతా వర్క్ చేశాం. మేమంతా ఇంతమంచి వాతావరణంలో కలిసి పనిచేసిన ఈ సినిమా తప్పకుండా మీ అందరి మనసులను గెలుచుకుంటుంది. మంచి వసూళ్లు సాధిస్తుంది. అన్నారు.

నిర్మాత ధీరజ్ మొగిలినేని మాట్లాడుతూ – బేబి సినిమా తర్వాత “చెన్నై లవ్ స్టోరీ”తో మరోసారి తమతో కలిసి వర్క్ చేసే అవకాశం కల్పించిన సాయి రాజేశ్, ఎస్ కేఎన్ కు థ్యాంక్స్ చెబుతున్నా. బేబి సినిమా కంటే పది రెట్ల పెద్ద విజయాన్ని ఈ సినిమా సాధిస్తుంది. ఈ చిత్రంలో ఏడు పాటలు ఉన్నాయి. మొదటి పాట ఇది. ఈ చిత్రంలోని పాటలన్నీ ఒక్కోటి 100 మిలియన్ వ్యూస్ దాటేస్తాయి. ఈ కథ విన్నప్పుడే హీరో కిరణ్ అబ్బవరం బ్లాక్ బస్టర్ మూవీ చేస్తున్నామని ఓకే చెప్పారు. క సినిమా తర్వాత ఆయన ఒప్పుకున్న చిత్రమిది. ఏడాదికాలంగా ఈ సినిమా కోసం మూవీ టీమ్ ఎంతో శ్రమిస్తున్నారు. ఈ బ్లాక్ బస్టర్ మూవీలో నేనూ భాగమైనందుకు సంతోషంగా ఉంది. అన్నారు.

కొరియోగ్రాఫర్ విజయ్ పొలాకీ మాట్లాడుతూ – బేబి మూవీ తర్వాత మళ్లీ ఈ చిత్రంతో నా ఫేవరేట్ టీమ్ తో వర్క్ చేస్తున్నా. నేను రీసెంట్ గా చిరంజీవి గారి మీసాల పిల్ల పాటకు కొరియోగ్రాఫ్ చేశాను. మాంటేజ్ సాంగ్ కూడా నేను చేయగలను అని ఎంకరేజ్ చేసి ఈ టీమ్ నాకు అవకాశం ఇచ్చారు. నా కెరీర్ లో బెస్ట్ సాంగ్ గా గుర్తుందా నిలిచిపోతుంది. ఎస్ కేఎన్ ఉంటే అది కల్ట్ మూవీనే అవుతుంది. ఈ చిత్రంతో దర్శకుడిగా రవి నంబూరి మంచి పేరు తెచ్చుకుంటారు. కిరణ్ గారితో గతంలో మంచి సాంగ్స్ చేశాను. ఈ పాట వాటన్నింటికంటే పెద్ద హిట్ అవుతుంది. మణిశర్మ గారు ఎప్పుడూ మనల్ని తన మ్యూజిక్ తో అలరిస్తూ ఉండాలి. అన్నారు.

దర్శక నిర్మాత సాయి రాజేశ్ మాట్లాడుతూ – బేబి మూవీ విజయం తర్వాత మేము డబ్బుల వెనక పరుగు పెట్టలేదు. ఒక మంచి కథతో మళ్లీ మూవీ చేయాలని అనుకున్నాం. నా మనసుకు నచ్చిన ఒక కథను రాసుకున్నాను. కథ రచయిత దగ్గర నుంచి దర్శకుడి దగ్గరకు వెళ్లి స్క్రీన్ మీదకు వచ్చేసరికి అందులోని ఒరిజినాలిటీ ఎంతో కొంత పోతుంది. కానీ ఈ సినిమాను నేను అనుకున్నదాని కంటే బాగా తెరకెక్కించాడు రవి నంబూరి. నేను బేబి మూవీని ఎంతో ప్రేమించి ఐదు గంటలు తీశాను. 3 గంటలకు ఎలా కుదించాలి అని ఆలోచిస్తున్న టైమ్ లో రవి వచ్చి హెల్ప్ చేశాడు. పోస్ట్ ప్రొడక్షన్ లోనూ నాతో ఉన్నాడు. కృతజ్ఞతగా రవిని ఈ సినిమా చేయమని రిక్వెస్ట్ చేశా. ఇప్పుడు కూడా ఒక గొప్ప సినిమా చేసి నాకే మంచి చేశాడు రవి. అతను ఎంత ప్రతిభావంతమైన దర్శకుడో తర్వాత మీరంతా చూస్తారు. ఈ సినిమా కొంత భాగం నేను చూశాను. సినిమా చూస్తూ కన్నీళ్లు ఆపుకోలేకపోయాను. రవి అంత బాగా తెరకెక్కించాడు. ఈ చిత్రంలో హీరోకు సమానంగా ఇంపార్టెన్స్ ఉన్న పాత్ర హీరోయిన్ ది. ఒక తమిళ సినిమా చూసి ఆమెను ఈ చిత్రానికి సెలెక్ట్ చేశాం. గతేడాది తమిళ సినిమాకు ఫిలింఫేర్ తీసుకున్న శ్రీ గౌరి ప్రియ..ఈసారి తెలుగు సినిమాకు తీసుకుంటుంది. అంత బాగా తను పర్ ఫార్మ్ చేసింది. అనంత శ్రీరామ్ తో వర్క్ చేస్తే లిరిక్స్ గురించి పెద్దగా టెన్షన్ పడాల్సిన అవసరం లేదు. ఆయన మీద పూర్తిగా ఆధారపడతా. బేబికి ఎంతో మంచి సాంగ్స్ రాశారు. ఆయన పాట రాస్తే ఒకట్రెండు పదాలు మాత్రమే మార్చిన సందర్భాలు ఉన్నాయి. ఒక వాక్యం కూడా పూర్తిగా ఛేంజ్ చేయలేదు. ధీరజ్ మంచి ఫ్రెండ్. ఆయన ఈ మూవీని మరింత గ్రాండ్ గా మీ ముందుకు తీసుకురాబోతున్నారు. నేను పూర్తిగా నమ్మి టెన్షన్ లేకుండా వర్క్ చేసుకుంటున్నా అంటే కారణం ఎస్ కేఎన్. నా లైఫ్ లో తీసుకున్న మంచి నిర్ణయాల్లో ముఖ్యమైంది ఎస్ కేఎన్ తో జర్నీ. ఈ కథను పూర్తిగా నమ్మి మాతో ట్రావెల్ అయ్యే హీరో కావాలి. క తర్వాత కిరణ్ గారు ఒప్పుకున్న సినిమా ఇది. కథ చెప్పిన వెంటనే మీరు ఎలా చెబితే అలా ఈ మూవీ చేద్దామని సపోర్ట్ చేశారు. ఇప్పటిదాకా అలాగే మూవీకి వర్క్ చేస్తున్నారు. ఈ సినిమా చేస్తున్న టైమ్ లో ఆయనపై మరింత ఇష్టం పెరిగింది. ఈ సినిమాలో కిరణ్ గారి పర్ ఫార్మెన్స్ గురించి ప్రీ రిలీజ్ ఈవెంట్ లో మాట్లాడుతాను. ఈ సినిమా ఆయనకు ఒక మెమొరబుల్ మూవీ అవుతుంది. మణిశర్మ గారి బీజీఎం వినేందుకే రిపీటెడ్ గా ఎన్నో సినిమాలు చూశాను. ఆయన ఈ సినిమాకు తనదైన శైలీలో సంగీతాన్ని అందించారు. రెండో ట్యూన్ ఏ రోజూ మేము అడగలేదు. ఫస్ట్ ట్యూన్ నే అంత బాగా ఇచ్చేవారు. నేను ప్రొడ్యూసర్ గా ఆయనతో మూవీ చేయడం కంటే ఇంకే కోరుకోను. అన్నారు.

మ్యూజిక్ డైరెక్టర్ మణిశర్మ మాట్లాడుతూ – సాయి రాజేశ్ తో నాకు పరిచయం లేదు. ఆయన ఈ మూవీ కోసం వచ్చినప్పుడు బేబి డైరెక్టర్ అని తెలిసింది. నాతో ఏం పని ఉంటుందని అనుకున్నా. ఆయన కలిసి చెన్నై లవ్ స్టోరీ మూవీకి మ్యూజిక్ చేయాలని అడిగారు. మూవీ కోసం డిస్కషన్స్ చేస్తూ బ్రహ్మాండమైన ట్యూన్స్ కుదిరాయి. పాటలు విని మీరు చెప్పాలి. కిరణ్ తో నేను చేస్తున్న రెండో చిత్రమిది. ఈ సినిమా టీమ్ అందరికీ ఆల్ ది బెస్ట్ చెబుతున్నా. అన్నారు.

డైరెక్టర్ రవి నంబూరి మాట్లాడుతూ – నేను ఇంత పెద్ద స్పాన్ ఉన్న మూవీ చేస్తున్నానంటే అందుకు కారణం ఎస్ కేన్, సాయి రాజేశ్. ఏదో చిన్న సినిమా చేసుకుందాం అనుకున్నాను. నేను ఎమోషనల్ మూవీ చేయగలనా అనుకున్న నాతో ఇలాంటి మంచి మూవీ చేయిస్తూ నా ప్రతిభను వెలికితీస్తున్నారు. సాయి రాజేశ్ గారిలోని మ్యూజిక్ టేస్ట్ నేర్చుకునేందుకే ఈ సినిమాకు దర్శకత్వం వహిస్తా అనుకున్నాను. ఈ సినిమా కోసం వంద రోజులు షూటింగ్ చేస్తున్నాం. ఒక కొత్త దర్శకుడిని నిర్మాతలు ఇంతగా నమ్మడం నేను ఇప్పటిదాకా చూడలేదు. ఏ రోజు కూడా ఏం తీస్తున్నావు అని అడగలేదు. నేనే కంటెంట్ చూడమని వారిని పిలిచి అడుగుతుంటా. కిరణ్ అన్న ఎంతో సపోర్ట్ చేస్తూ నటిస్తున్నారు. ఆ క్యారెక్టర్ గా మారిపోయారు. శ్రీ గౌరి ప్రియ ఈ మూవీ కోసం చాలా కష్టపడుతోంది. మణిశర్మ గారు మ్యూజిక్ చేసిన ఎన్నో మూవీస్ థియేటర్స్ లో ఎంజాయ్ చేశా. ఆయనతో కలిసి వర్క్ చేయడం హ్యాపీగా ఉంది. అనంత శ్రీరామ్ తన పాటల్లో కథను ప్రేక్షకులకు తెలియజేస్తారు. అన్నారు.

హీరోయిన్ శ్రీ గౌరి ప్రియ మాట్లాడుతూ – గ్లింప్స్ రిలీజైనప్పటి నుంచి చెన్నై లవ్ స్టోరీ మూవీ మీద చాలా అంచనాలు ఏర్పడుతున్నాయి. ఈ సినిమాలో కిరణ్ గారితో కలిసి వర్క్ చేయడం హ్యాపీగా ఉంది. ఆయన ఈ చిత్రం తర్వాత మరింత గొప్ప ఇమేజ్ తెచ్చుకుంటారు. చెన్నై లవ్ స్టోరీ మూవీలో ఇంత బరువైన, ప్రాధాన్యత ఉన్న క్యారెక్టర్ నేను చేయగలను అని నమ్మిన దర్శక నిర్మాతలకు థ్యాంక్స్ చెబుతున్నా. మణిశర్మ గారి సంగీతంలో నటించడం ఒక గౌరవంగా భావిస్తున్నా. అన్నారు.

నిర్మాత ఎస్ కేఎన్ మాట్లాడుతూ – నిర్మాతగా నేను సినిమాలు చేసేందుకు ఎప్పుడూ తొందరపడలేదు. నా మనసుకు నచ్చిన కథ దొరికినప్పుడే సినిమాలు నిర్మించా. బేబి సినిమా బ్లాక్ బస్టర్ తర్వాత హిందీలో బేబి రీమేక్ స్టార్ట్ చేశాం. కొన్ని అవాంతరాలు వచ్చాయి. తెలుగులో సినిమా చేయాలి అనుకుంటున్న టైమ్ లో సాయి రాజేశ్ గారు ఈ కథ చెప్పారు. ఈ కథ తోనే సినిమా చేయాలని ఫిక్స్ అయ్యాం. బేబి లాంటి బిగ్ సక్సెస్ తర్వాత ఏ దర్శకుడైనా మరో పెద్ద ప్రొడక్షన్ లోకి వెళ్లాలని అనుకుంటారు. కానీ నా చిన్ననాటి మిత్రుడు, నేను బెంజ్ కారు కొనుక్కునేలా చేసిన దర్శకుడు సాయి రాజేశ్ నాతోనే సినిమా చేస్తున్నారు. నా దర్శకులు మారుతి, సాయి రాజేశ్, రాహుల్ సంకృత్యన్, రవి నంబూరి..ఇలాంటి వారి వల్లే నేను ఈ వేదిక మీద నిలబడ్డాను. రవి నాకు సోదరుడు. బేబి మూవీకి ఆయన చేసిన సపోర్ట్ కు కృతజ్ఞతగా సాయి రాజేశ్ రవికి ఈ మూవీ డైరెక్షన్ ఛాన్స్ ఇచ్చారు. తన కథల్ని మరో దర్శకుడికి ఇవ్వాలంటే సాయి రాజేశ్ చాలా ఆలోచిస్తారు. రవి ప్రతిభపై నమ్మకంతో ఆయనకు అవకాశం ఇచ్చారు. రవికి రైటింగ్ మీద ఉన్న ప్రతిభ, సినిమాను రూపొందించడంలో ఉన్న కామన్ సెన్స్ మా అందరికీ నచ్చాయి. క మూవీ తర్వాత కిరణ్ గారు ఈ కథ విని వెంటనే చేస్తానని ముందుకొచ్చారు. మంచి కథల్ని ప్రేక్షకులకు చూపించాలనే తపన ఉన్న హీరో కిరణ్ గారు. ఈ కథను నిర్మించాలంటే మీకు ధైర్యం ఉండాలి, నటించాలంటే నాకు ధైర్యం ఉండాలి అంటూ శ్రీ గౌరి ప్రియ ఈ ప్రాజెక్ట్ కు ఓకే చెప్పింది. మేము మణిగాడ్ అని పిలుచుకునే మణిశర్మ గారి సంగీత దర్శకత్వంలో నిర్మాతలుగా మా పేర్లు ఉండటం నిజంగా అదృష్టం. అనంత శ్రీరామ్ గారు ఎంతో డెప్త్ ఉన్న పాటలు రాశారు. ఒక హానెస్టీ మూవీ చేసినప్పుడే టీమ్ అందరిలో ఎగ్జైట్ మెంట్ ఉంటుంది. చెన్నై లవ్ స్టోరీలోని ప్రతి ఫ్రేమ్, ప్రతి సీన్, ప్రతి డైలాగ్ అందరికీ అలాంటి ఎగ్జైట్ మెంట్ ఇస్తుంది. ఖర్చు ఎక్కువైనా మంచి క్వాలిటీ కోసం డాల్బీలో ఈ సినిమాను చేస్తున్నాం. ఈ విషయం చెప్పినప్పుడు అల్లు అర్జున్ గారు కూడా ప్రోత్సహించారు. బేబి సినిమా టైమ్ లో నాకు సపోర్ట్ గా నిలిచిన వ్యక్తి నా సోదరుడు ధీరజ్. ఈ సినిమాకు కో ప్రొడ్యూసర్ గా ఉన్నారు. మా టీఎఫ్ జేఏ అసోసియేషన్ ఇటీవల మా సభ్యుడు ఒకరికి 11 లక్షలు ఖర్చు పెట్టి వైద్యం చేయించారు. టీఎఫ్ జేఏ పెద్దలకు థ్యాంక్స్ చెబుతున్నా. ఈ సినిమా థియేటర్స్ కు వెళ్లి మీరు పెట్టే డబ్బులకు రెట్టింపు మనసును హత్తుకునే మూవీ అవుతుంది. మా సినిమాను జూన్ 26 అనుకున్నాం కానీ ఆ తేదీన రామ్ చరణ్ గారి పెద్ది సినిమా వస్తోంది. మా సినిమా రిలీజ్ డేట్ ను త్వరలో ప్రకటిస్తాం. అన్నారు.

హీరో కిరణ్ అబ్బవరం మాట్లాడుతూ – చెన్నై లవ్ స్టోరీ మూవీ డాల్బీలో చేస్తుండటం సంతోషంగా ఉంది. సినిమా కోసం మా టీమ్ అంతా చాలా ఎఫర్ట్స్ పెడుతున్నారు. ఎడిటర్ సంతోష్ ఒక్కో సీన్ కట్ చేసి చూపిస్తూ, మంచి సజెషన్స్ ఇస్తున్నాడు. అలాగే విశ్వాస్ డీవోపీగా నాతో ట్రావెల్ చేస్తూ వస్తున్నాడు. మనవాళ్లు మనతో సినిమా చేస్తున్నప్పుడు ప్రాజెక్ట్ మీద మరింత నమ్మకం కలుగుతుంటుంది. విజయ్ పొలాకీ మాస్టర్ నాతో మంచి కూల్ స్టెప్స్ చేయించాడు. అనంత శ్రీరామ్ గారు అన్ని సాంగ్స్ బ్యూటిఫుల్ గా రాశారు. ఈ మూవీలో హీరోయిన్ ఒక దేవతలా అనిపించాలి. అలాంటి నివి పాత్రలో శ్రీ గౌరి చాలా బాగా పర్ ఫార్మ్ చేసింది. ఆమె నటన ఎంత బాగుందో త్వరలో స్క్రీన్స్ మీద చూస్తారు. రవి నంబూరితో వర్క్ చేయడం సంతోషంగా ఉంది. ఆయన రాసిన డైలాగ్స్ నటుడిగా నన్ను మరింత ఎగ్జైట్ చేశాయి. రచయితగా రవి ఈ చిత్రంతో మరింత మంచి పేరు తెచ్చుకుంటాడు. దర్శకుడిగా రవితో నాకు మంచి వేవ్ లెంగ్త్ కుదిరింది. ఎస్ కేఎన్ గారికి మూవీ అంటే చాలా ప్యాషన్. ఎప్పుడూ హిట్ సినిమా చేయాలనే మాట్లాడుతుంటారు తప్ప బడ్జెట్ ఎంత ఏంటి అని ఆలోచించరు. ఈ ఒక్క పాట కోసం కోటి రూపాయల ఖర్చు చేసి సెట్ వేశారు. ఆయనకు మూవీ పట్ల ఉన్న ప్యాషన్ హీరోగా నన్ను చాలా ఎగ్జైట్, ఇన్స్ పైర్ చేసింది. నన్ను ఎంతో బాగా చూసుకున్నారు. సాయి రాజేశ్ గారు కథ చెప్పినప్పుడే ఈ సినిమా బలంగా ఉండబోతోంది అని అర్థమైంది. రాజా వారు రాణి గారు తర్వాత నేను ఈ సినిమాలో సెటిల్డ్ గా ఉండే క్యారెక్టర్ చేస్తున్నా. సాయి రాజేశ్ గారు ఉంటే మనం పూర్తి నమ్మకంతో ఉండొచ్చు అని అర్థమైంది. ఈ రోజు మా మూవీ ప్రమోషన్ కంటెంట్ కు వస్తున్న రెస్పాన్స్, సినిమా మీద ఏర్పడిన క్రేజ్, మా మూవీ గురించి అందరూ మాట్లాడుకోవడం సంతోషంగా ఉంది. మణిశర్మ గారు ఏడు పాటలు కంపోజ్ చేశారు. ఏడు పాటల్ని మీరు థియేటర్స్ లో సెలబ్రేట్ చేసుకుంటారు. మా మూవీ రిలీజ్ అయినరోజు థియేటర్స్ లో మ్యూజిక్ కన్సర్ట్ అయినట్లు ఉంటుంది. ఇండియన్ సినిమా గ్రేటెస్ట్ లవ్ స్టోరీస్ లో ఒకటిగా చెన్నై లవ్ స్టోరీ మూవీ మీకు ఎప్పటికీ గుర్తుండిపోతుంది. అన్నారు.

నటీనటులు – కిరణ్ అబ్బవరం, శ్రీ గౌరి ప్రియ, తదితరులు

టెక్నికల్ టీమ్

కాస్ట్యూమ్ డిజైనర్ – దేవి పర్చూరి
ఆర్ట్ – భాస్కర్ ముదావత్
ఎడిటర్ – సంతోష్ నాయుడు
డీవోపీ – విశ్వాస్ డేనియల్
లిరిక్స్ – అనంత్ శ్రీరామ్
మ్యూజిక్ డైరెక్టర్ – మణిశర్మ
ఎగ్జిక్యూటివ్ ప్రొడ్యూసర్ – విశాల దాట్ల
లైన్ ప్రొడ్యూసర్ -శ్యామ్ ప్రసాద్ మేక
పీఆర్ఓ – జీఎస్ కే మీడియా (సురేష్ – శ్రీనివాస్), వంశీ కాకా
మార్కెటింగ్ – హౌస్ ఫుల్
కో ప్రొడ్యూసర్ – ధీరజ్ మొగిలినేని
స్టోరీ – సాయి రాజేశ్
నిర్మాతలు – ఎస్ కేఎన్, సాయి రాజేశ్
స్క్రీన్ ప్లే, డైరెక్షన్ – రవి నంబూరి