‘టాప్ తెలుగు ఇన్‌ఫ్లుయెన్సర్’ ఫైనల్‌లో విజేతగా గౌతమ్

తెలుగువారి ఫేవరేట్ ఓటీటీ ఆహా తాజా ఒరిజినల్ షో ‘టాప్ తెలుగు ఇన్‌ఫ్లుయెన్సర్’ తొలి సీజన్ ముగిసింది. ఉత్కంఠభరితంగా సాగిన గ్రాండ్ ఫినాలేలో గౌతమ్ విజేతగా నిలిచారు. ఈ ఫైనల్‌లో షోకు చెందిన ఆరుగురు ఫైనలిస్టులతో పాటు లైవ్ ఆడియన్స్, స్పెషల్ జడ్జ్ గా ప్రముఖ డైరెక్టర్, యాక్టర్ తరుణ్ భాస్కర్ పాల్గొన్నారు.

తెలుగు ఎంటర్‌టైన్‌మెంట్‌లో సరికొత్త ఫార్మాట్‌గా రూపొందిన ‘టాప్ తెలుగు ఇన్‌ఫ్లుయెన్సర్’ కంప్లీట్ గా ఇన్‌ఫ్లుయెన్సర్లు, క్రియేటర్లతో ఒక కొతత్ ఎంటర్ టైన్ మెంట్ వరల్డ్ ను క్రియేట్ చేసింది ఆహా. 8 ఎపిసోడ్‌లుగా సాగిన ఈ షోలో వివిధ రంగాలకు చెందిన క్రియేటర్లను ఒకే వేదికపైకి తీసుకువచ్చి, డిఫరెంట్ థీమ్స్, ఫార్మాట్స్‌లో కంటెస్టెంట్స్ ఛాలెంజెస్ ఫేస్ చేశారు. వారి క్రియేటివిటీ, పర్సనాలిటీ, కంటెంట్ రూపొందించే సామర్థ్యం, ప్రేక్షకులతో ఉన్న అనుబంధాన్ని ఈ ఛాలెంజెస్ ద్వారా వ్యూయర్స్ ముందుంచారు.

సీజన్ చివరి దశలో ‘ఫ్యాన్ పార్టీ’ పేరుతో ప్రత్యేక ఫినాలేను నిర్వహించారు. ఇందులో క్రియేటర్లు, వారి ఫ్యాన్స్ మధ్య ఉన్న బాండింగ్ కు ప్రత్యేక ప్రాధాన్యత ఇచ్చారు. సాధారణ ఫైనల్స్‌కు భిన్నంగా, ఈ ఎపిసోడ్‌లో లైవ్ ఆడియన్స్ ఓట్లను కూడా తుది ఫలితంలో భాగం చేశారు. దీంతో విజేతను నిర్ణయించడంలో అభిమానులకు నేరుగా భాగస్వామ్యం కల్పించినట్లయింది. ఫైనల్‌లో టైటిల్ కోసం ఆరుగురు ఫైనలిస్టులు పోటీ పడ్డారు. చివరి ఎపిసోడ్‌కు తరుణ్ భాస్కర్ ప్రత్యేక న్యాయనిర్ణేతగా వ్యవహరించారు. తన అనుభవంతో పోటీ చివరి దశకు మరింత స్పెషాలిటీ తీసుకొచ్చారు.

థ్రిల్లింగ్ గా సాగిన ఫైనల్ అనంతరం ‘టాప్ తెలుగు ఇన్‌ఫ్లుయెన్సర్’ విజేతగా గౌతమ్ కిరీటం దక్కించుకున్నారు. అనిరుధ్, ప్రవీణ ఫస్ట్ రన్నర్-అప్‌గా నిలవగా, రవి సెకండ్ రన్నర్-అప్ స్థానాన్ని కలిసి పంచుకున్నారు. ఈ ఫినాలే కేవలం పోటీని మాత్రమే కాకుండా, డిజిటల్ క్రియేటర్ల ప్రభావం ఎలా పెరుగుతోందో, అలాగే వినోద రంగాన్ని తీర్చిదిద్దడంలో ప్రేక్షకుల పాత్ర ఎలా కీలకంగా మారుతోందో కూడా చాటిచెప్పింది. క్రియేటర్-ఫస్ట్ ఫార్మాట్, విభిన్నమైన సవాళ్లు, ప్రేక్షకుల ఆధారిత ఫినాలేతో ‘టాప్ తెలుగు ఇన్‌ఫ్లుయెన్సర్’ రియాలిటీ ఎంటర్‌టైన్‌మెంట్, సోషల్ మీడియా, క్రియేటర్ కల్చర్‌ల మధ్య ఉన్న సరికొత్త రిలేషన్ ను ఆవిష్కరించింది.

తొలి సీజన్ విజయంతో ప్రాంతీయ వినోద రంగంలో క్రియేటర్ బేస్డ్ ఫార్మాట్లకు ఉన్న అవకాశాలు మరింత స్పష్టమయ్యాయి. అదే సమయంలో ‘టాప్ తెలుగు ఇన్‌ఫ్లుయెన్సర్’ ఆహా ఒరిజినల్ కంటెంట్‌లో ఒక ప్రత్యేకమైన షోగా తన స్థానాన్ని ఏర్పరుచుకుని కొత్త ట్రెండ్ క్రియేట్ చేసింది.