‘పినాక’ అక్టోబర్ 2న ప్రపంచవ్యాప్తంగా గ్రాండ్ రిలీజ్- గణేష్ పుట్టినరోజు సందర్భంగా కొత్త పోస్టర్ రిలీజ్

గోల్డెన్ మెగాస్టార్ గణేష్ పుట్టినరోజు సందర్భంగా ‘పినాక’ చిత్ర నిర్మాతలు సినిమాలోని ఆసక్తికరమైన ప్రపంచాన్ని పరిచయం చేసే ఒక ఆకట్టుకునే కొత్త పోస్టర్‌ను విడుదల చేశారు.

ఒక పురాతన రహస్యాన్ని ఛేదించడంలో నిమగ్నమైన గణేష్‌ను ఒక ప్రత్యేకమైన గెటప్ లో చూపిస్తున్న ఈ పోస్టర్, సాహసం, పురాణాలు, రహస్యాలు, అద్భుతాలతో నిండిన ఒక సినిమా ప్రయాణమైన ‘పినాక’ సారాంశాన్ని సంపూర్ణంగా ఆవిష్కరిస్తుంది. ఈ ఈ పోస్టర్ ఇప్పటికే ప్రేక్షకులలో ఆసక్తిని రేకెత్తించింది.

ఈ సందర్భంగా చిత్రబృందం గోల్డెన్ మెగా స్టార్ గణేష్‌కు హృదయపూర్వక జన్మదిన శుభాకాంక్షలు తెలియజేస్తూ ‘పినాక’లో ఆయనను ప్రేక్షకులు ఇప్పటివరకు చూడని కొత్త కోణంలో చూడబోతున్నారని, అన్ని వర్గాల ప్రేక్షకులను ఆకట్టుకుంటుందని తెలియజేశారు.

అక్టోబర్ 2న ఈ చిత్రం ప్రపంచవ్యాప్తంగా గ్రాండ్ థియేట్రికల్ రిలీజ్‌ కానుందని ప్రకటించారు.

పీపుల్ మీడియా ఫ్యాక్టరీ బ్యానర్‌పై టి.జి. విశ్వ ప్రసాద్, కృతి ప్రసాద్ ఈ చిత్రాన్ని నిర్మిస్తుండగా, బి. ధనంజయ దర్శకత్వం వహిస్తున్నారు.

తారాగణం: గోల్డెన్ మెగాస్టార్ గణేష్

సిబ్బంది:
రచన – దర్శకత్వం : ధనంజయ
బ్యానర్: పీపుల్ మీడియా ఫ్యాక్టరీ
నిర్మాతలు: టిజి విశ్వ ప్రసాద్, కృతి ప్రసాద్
సంగీతం: గౌర హరి
సినిమాటోగ్రఫీ: కర్మ్ చావ్లా
ఎడిటింగ్: సాయిబాబు తలారి
చీఫ్ ఎగ్జిక్యూటివ్ ప్రొడ్యూసర్: సుజిత్ కుమార్ కొల్లి