“మాయలేడి” మూవీ నుంచి ‘చీకటో వైపున..’ లిరికల్ సాంగ్ రిలీజ్

యంగ్ టాలెంటెడ్ హీరో, ప్యాషనేట్ ప్రొడ్యూసర్ రాకేష్ వర్రే చేస్తున్న కొత్త సినిమా “మాయలేడి”. ఈ సినిమాలో రాకేష్ వర్రే హీరోగా నటిస్తూ క్రేజీ యాంట్స్ ప్రొడక్షన్స్ బ్యానర్ పై నిర్మిస్తున్నారు. రాకేష్ వర్రే గతంలో క్రేజీ యాంట్స్ ప్రొడక్షన్స్ బ్యానర్ పై ఎవరికీ చెప్పొద్దు, పేకమేడలు వంటి కంటెంట్ ఓరియెంటెడ్ మూవీస్ నిర్మించి అందరి ప్రశంసలు పొందారు. ఇప్పుడు “మాయలేడి”తో మరో ఇంట్రెస్టింగ్ చిత్రాన్ని ప్రేక్షకుల ముందుకు తీసుకురాబోతున్నారు. ఈ సినిమాను దర్శకుడు ప్రశంకర్ రూపొందిస్తున్నారు. మధుమిత సర్కార్ హీరోయిన్ గా నటిస్తోంది. త్వరలోనే “మాయలేడి” సినిమా గ్రాండ్ థియేట్రికల్ రిలీజ్ కు రెడీ అవుతోంది.

ఈ రోజు “మాయలేడి” సినిమా నుంచి మేకర్స్ ”చీకటో వైపున..’ లిరికల్ సాంగ్ రిలీజ్ చేశారు. ఈ పాటకు విశాల్ చంద్రశేఖర్ కంపోజ్ చేసిన ట్యూన్ కు కృష్ణకాంత్ లిరిక్స్ అందించారు. సింగర్ యాజిన్ నిజార్, సింధూరి విశాల్ పాడారు. ‘చీకటో వైపున..’ పాట ఎలా ఉందో చూస్తే – ‘చీకటో వైపున, వేకువో వైపున తేల్చలేని యదే శూన్యమా, మౌనమే నేరమా, ఊహలే శూన్యమా, జాలిలేని విధే కాలమా, ఆశలే క్షణాలలోనే వీడిపోయెనా, కాలమే గతాలలోనే ఆగిపోయెనా, సమస్తం నిశ్శబ్దం, అయ్యే నేడిలా నువ్వే నా ప్రపంచం కదా…’ అంటూ గాయపడిన ప్రేమికుడి బాధను వ్యక్తం చేస్తూ హార్ట్ టచింగ్ గా సాగుతుందీ పాట.

నటీనటులు -రాకేష్ వర్రే, మధుమిత సర్కార్, తదితరులు

టెక్నీషియన్స్
——————–
మ్యూజిక్ – విశాల్ చంద్రశేఖర్
బ్యానర్ – క్రేజీ యాంట్స్ ప్రొడక్షన్స్
ప్రొడ్యూసర్ – రాకేష్ వర్రే
స్క్రిప్ట్, డైరెక్షన్ – ప్రశంకర్
పీఆర్ఓ – సురేష్ (ఎస్ కె మీడియా)