‘రామాయణ’లో దశరథుడిగా అరుణ్ గోవిల్ ఫస్ట్ లుక్ రిలీజ్

‘రామాయణ’ మేకర్స్ అరుణ్ గోవిల్ దశరథుడిగా నటిస్తున్న ప్రత్యేక సోలో పోస్టర్‌ను విడుదల చేశారు. ఐకానిక్ రాముడి పాత్రతో ప్రేక్షకుల హృదయాల్లో చెరగని ముద్ర వేసుకున్న అరుణ్ గోవిల్‌కు ఇది మరో ముఖ్యమైన అధ్యాయంగా నిలవనుంది.

తాజాగా విడుదల చేసిన పోస్టర్‌లో అరుణ్ గోవిల్ అయోధ్య రాజు దశరథుడి పాత్రలో కనిపిస్తున్నారు. శ్రీరాముడి తండ్రి, అయోధ్య రాజుగా ఆయన పాత్రకు సంబంధించిన ఫస్ట్ లుక్‌ను ఈ పోస్టర్ ద్వారా పరిచయం చేశారు. రెండు భాగాలుగా తెరకెక్కుతున్న ఈ ఇతిహాస చిత్రంలో అరుణ్ గోవిల్ లుక్ ప్రేక్షకుల్లో ఆసక్తిని పెంచుతోంది. ఇప్పటికే ఆయన శ్రీరాముడిగా కోట్లాది మంది భారతీయ ప్రేక్షకుల మనసుల్లో చెరగని ముద్ర వేశారు.

దేశవ్యాప్తంగా శ్రీరాముడి పాత్రలో ఎంతో పేరు తెచ్చుకున్న అరుణ్ గోవిల్.. ఇప్పుడు రాముడి తండ్రి, అయోధ్య రాజు దశరథుడి పాత్రలో కనిపించనున్నారు. ఈ పాత్రకు ఆయన ఎంపిక కావడం సినిమాకు మరింత ప్రత్యేకతను తీసుకొచ్చింది. ఈ ఇతిహాసంతో ఎంతో ప్రత్యేకమైన అనుబంధం ఉన్న నటుడు ఇప్పుడు అదే కథలో మరో కీలకమైన పాత్రలో కనిపించనున్నారు.

మేకర్స్ తమ సోషల్ మీడియా లో ఈ కొత్త పోస్టర్‌ను విడుదల చేస్తూ.. “ఒక తరం కోసం ఆయన రాముడికి ప్రాణం పోశారు. ఇప్పుడు ‘రామాయణ’ ప్రపంచంలోకి అయోధ్య రాజుగా తిరిగి వస్తున్నారు. దశరథుడిగా అరుణ్ గోవిల్” అంటూ పోస్టర్‌ను పంచుకున్నారు.

ఈ పోస్టర్‌లో అయోధ్య రాజు దశరథుడి హోదా, అధికారాన్ని ప్రతిబింబించేలా అరుణ్ గోవిల్ లుక్‌ను తీర్చిదిద్దారు. ఇన్నాళ్లుగా రాముడి పాత్రలో చూసిన ప్రేక్షకులకు.. ఇప్పుడు అదే పాత్రకు తండ్రి అయిన దశరథుడిగా ఆయన కనిపించనుండటం ఆసక్తికరమైన మార్పుగా నిలవనుంది.

నితేష్ తివారీ దర్శకత్వంలో తెరకెక్కుతున్న ‘రామాయణ’లో రణ్‌బీర్ కపూర్ శ్రీరాముడిగా, సాయి పల్లవి సీతగా, రాకింగ్ స్టార్ యష్ రావణుడిగా, సన్నీ డియోల్ హనుమంతుడిగా, రవి దూబే లక్ష్మణుడిగా నటిస్తున్నారు.

నమిత్ మల్హోత్రాకు చెందిన ప్రైమ్ ఫోకస్ స్టూడియోస్, 8 సార్లు ఆస్కార్ విజేతగా నిలిచిన DNEGతో కలిసి, యష్‌కు చెందిన Monster Mind Creations భాగస్వామ్యంతో ఈ చిత్రాన్ని నిర్మిస్తోంది. ‘రామాయణ’ను రెండు భాగాలుగా రూపొందిస్తున్నారు. తొలి భాగం ప్రపంచవ్యాప్తంగా 2026 నవంబర్ 5న విడుదల కానుంది. రెండో భాగం 2027 దీపావళికి ప్రేక్షకుల ముందుకు రానుంది.

హిందీ, తమిళం, తెలుగు, కన్నడ, మలయాళ భాషల్లో ఈ చిత్రం భారత్‌లో విడుదల కానుంది. IMAXలోనూ ‘రామాయణ’ను విడుదల చేయనున్నారు. భారత్ మినహా ప్రపంచవ్యాప్తంగా ఈ చిత్రాన్ని Sony Pictures విడుదల చేయనుండగా, హిందీ మార్కెట్‌లో ధర్మ ప్రొడక్షన్స్ డిస్ట్రిబ్యూటర్‌గా వ్యవహరించనుంది.