లెజెండరీ డైరెక్టర్ సింగీతం శ్రీనివాసరావు తన అత్యంత ప్రతిష్టాత్మకమైన ప్రాజెక్ట్ 'సింగ్ గీతం' తో ముందుకు…
‘ఇరుముడి’ నుంచి ‘ది హార్ట్ ఆఫ్ ఇరుముడి’ గ్లింప్స్ రిలీజ్
మాస్ మహారాజా రవితేజ ‘ఇరుముడి’ చిత్రంతో ప్రేక్షకులని ఆశ్చర్యపరచడానికి సిద్ధంగా ఉన్నారు. శివ నిర్వాణ దర్శకత్వంలో మైత్రి మూవీ మేకర్స్ నిర్మిస్తున్న ‘ఇరుముడి’ చిత్రం ఇప్పటికే ప్రేక్షకుల్లో ఆసక్తిని రేకెత్తిస్తోంది. కమర్షియల్ యాక్షన్కు భావోద్వేగాలను జోడిస్తూ రూపొందుతున్న ఈ చిత్రానికి సంబంధించిన ‘ది హార్ట్ ఆఫ్ ఇరుముడి’ గ్లింప్స్ను తాజాగా విడుదల చేశారు.
‘ది హార్ట్ ఆఫ్ ఇరుముడి’ గ్లింప్స్లో ఒక కామన్ మ్యాన్ ప్రపంచాన్ని ఆకట్టుకునేలా చూపించారు. తన కూతురే అతని ప్రపంచం. ఆమె ఆనందం కోసం తీసుకునే నిర్ణయాలే అతని జీవితాన్ని నడిపిస్తాయి. తండ్రీ-కూతుళ్ల మధ్య ఉన్న అనుబంధాన్ని ఎంతో సహజంగా, హృదయానికి హత్తుకునేలా ఈ గ్లింప్స్లో ఆవిష్కరించారు.
ఈ గ్లింప్స్లో మరో ప్రత్యేక ఆకర్షణ రవితేజ పాత్రలో కనిపించే ట్రాన్స్ఫర్మేషన్. అయ్యప్ప దీక్ష స్వీకరించిన తర్వాత ఆయన పాత్రలో చోటుచేసుకునే మార్పు ఎంతో హృద్యంగా చూపించారు. అది కేవలం ఒక త్యాగంలా కాకుండా, తన కూతురిపై ప్రేమతో, భక్తితో తీసుకున్న నిర్ణయంగా కనిపిస్తుంది. చివర్లో కనిపించే ఇరుముడి విజువల్స్ భావోద్వేగాన్ని మరింత పెంచి ప్రేక్షకుల మనసులను తాకాయి.
శివ నిర్వాణ మరోసారి తన బలమైన ఎమోషనల్ స్టోరీటెల్లింగ్తో ఆకట్టుకున్నారు. సహజమైన భావోద్వేగాలతో తండ్రీ-కూతుళ్ల బంధాన్ని కథకు ప్రధాన బలంగా మలిచారు. ఆ అనుబంధం ఎంతో సహజంగా అనిపించడం వల్ల ప్రేక్షకులు పాత్రలతో వెంటనే కనెక్ట్ అవుతున్నారు.
రవితేజ తన మాస్ ఇమేజ్కు భిన్నంగా ఈ చిత్రంలో కనిపిస్తున్నారు. మాస్ స్వాగ్ను పక్కనపెట్టి, భావోద్వేగాలతో కూడిన పాత్రలో ఎంతో అద్భుతంగా నటించారు. ఆయన బాడీ లాంగ్వేజ్, హావభావాలు పాత్రకు ప్రామాణికతను తీసుకొచ్చాయి. గ్లింప్స్లో కనిపించిన యాక్షన్ ఎలిమెంట్స్ మాస్ ప్రేక్షకులకు కూడా మంచి ట్రీట్ ఇవ్వనున్నాయని సూచిస్తున్నాయి.
బేబీ నక్షత్ర రవితేజ కూతురి పాత్రలో ఆకట్టుకుంది. ఆమె, రవితేజ మధ్య వచ్చే సన్నివేశాలు గ్లింప్స్కు ప్రధాన ఆకర్షణగా నిలిచాయి.
సినిమాటోగ్రాఫర్ విష్ణు శర్మ విజువల్స్ కథలోని భావోద్వేగాలను అందంగా తెరపై ఆవిష్కరించారు. జి.వి. ప్రకాష్ కుమార్ అందించిన బ్యాక్గ్రౌండ్ స్కోర్ గ్లింప్స్కు ప్రాణంలా నిలిచి భావోద్వేగాలను మరింతగా ఎలివేట్ చేసింది. సాహి సురేష్ ప్రొడక్షన్ డిజైన్, ప్రవీణ్ పూడి ఎడిటింగ్ కూడా ఆకట్టుకునేలా ఉన్నాయి. మైత్రి మూవీ మేకర్స్ నిర్మాణ విలువలు ప్రతి ఫ్రేమ్లో అద్భుతంగా కనిపిస్తున్నాయి.
‘ది హార్ట్ ఆఫ్ ఇరుముడి’ గ్లింప్స్ ఒక తండ్రి ప్రపంచంలోకి తీసుకెళ్లే ఆహ్వానంలా ఆకట్టుకుంది. ఈ చిత్రం రవితేజ కెరీర్లో కొత్త కోణాన్ని చూపించబోతుందని హింట్ ఇచ్చింది. ఈ గ్లింప్స్తో సినిమాపై అంచనాలు మరింత పెరిగాయి.
నటీనటులు: మాస్ మహారాజా రవితేజ, ప్రియా భవానీ శంకర్, సాయి కుమార్, బేబీ నక్షత్ర, అజయ్ ఘోష్, రమేష్ ఇందిర, స్వాసిక, మీసాల లక్ష్మణ్, రాజ్ కుమార్ కసిరెడ్డి, రమణ భార్గవ్, కిషోర్ కంచెరపాలెం, కార్తీక్ అడుసుమల్లి, మహేష్
సాంకేతిక సిబ్బంది:
కథ, స్క్రీన్ప్లే, మాటలు, దర్శకత్వం: శివ నిర్వాణ
నిర్మాతలు: నవీన్ యెర్నేని, వై రవిశంకర్
బ్యానర్: మైత్రీ మూవీ మేకర్స్
సంగీతం: జివి ప్రకాష్ కుమార్
DOP: విష్ణు శర్మ
ప్రొడక్షన్ డిజైనర్: సాహి సురేష్
ఎడిటింగ్: ప్రవీణ్ పూడి
స్క్రిప్ట్ కో-ఆర్డినేటర్: నరేష్ బాబు పి
కో-డైరెక్టర్: సురేష్
మేకప్: శ్రీనివాస్ రాజు
కాస్ట్యూమర్ డిజైనర్: రాజేష్
పోస్టర్ డిజైనర్: ఎల్లో టూత్స్
PRO: వంశీ శేఖర్
మార్కెటింగ్: ఫస్ట్ షో
Related Posts
