‘మోజు” టైటిల్ ఖరారు

సినిమా నిర్మాణం అంటే ఆయనకు ప్యాషన్ కాదు. ఒక “అబ్సెషన్”. అందువల్లే అతి తక్కువ కాలంలో నిర్మాతగా “సెంచరీ” కొట్టి డబుల్ సెంచరీ దిశగా ముందుకు సాగుతున్నారు భీమవరం టాకీస్ అధినేత తుమ్మలపల్లి రామసత్యనారాయణ. ఈ క్రమంలో ఈ శతాధిక చిత్ర నిర్మాత మరో చిత్ర నిర్మాణం కోసం సన్నాహాలు చేస్తున్నారు.

ఈసందర్భంగా తుమ్మలపల్లి మాట్లాడుతూ…”మా భీమవరం టాకీస్ పతాకంపై 122వ చిత్రంగా సెట్స్ పైకి వెళ్లనున్న చిత్రానికి ‘మోజు” అనే టైటిల్ ఖరారు చేశాం. ఈ చిత్రానికి ప్రేరణ మా ఆర్జీవి. ఈమధ్య ఆయన్ని ముంబైలో కలిసినప్పుడు… ప్రపంచవ్యాప్తంగా సంచలన విజయం సాధిస్తున్న “ది అబ్సెషన్” తరహాలో ఓ చిత్రం చేయమని నాకు సూచించారు. మన ఇండియన్ కరెన్సీలో కేవలం 6 కోట్ల బడ్జెట్ తో తెరకెక్కి, ఇప్పటికి 4 వేల కోట్ల పైచిలుకు వసూళ్లు సాధించిన ఈ చిత్రం స్పూర్తితో ఓ పాన్ ఇండియా సినిమా కోసం చేస్తున్న కథాచర్చలు దాదాపుగా ఓ కొలిక్కి వచ్చాయి. త్వరలో అన్ని వివరాలు తెలియజేస్తాం” అని అన్నారు!