హీరోయిన్ ప్రియ భవానీ శంకర్ చేతుల మీదుగా వెలచెర్రీలో “కలర్స్ 2.0” వెల్నెస్ సెంటర్ ప్రారంభం
చెన్నై: ప్రముఖ వెల్నెస్ & హెల్త్కేర్ సంస్థ ‘కలర్స్’ చెన్నై నగరంలో తన సేవలను మరింత విస్తరిస్తోంది. వెలచెర్రీ (Velachery)లోని మహేశ్వరీ నగర్లో 100 ఫీట్ రోడ్ వద్ద అత్యాధునిక సదుపాయాలతో రూపొందించిన ‘కలర్స్ 2.0’ వెల్నెస్ సెంటర్ను సౌతిండియా హీరోయిన్ ప్రియ భవానీ శంకర్ ఘనంగా ప్రారంభించారు. జ్యోతి ప్రజ్వలన అనంతరం రిబ్బన్ కట్ చేసి సెంటర్ను ప్రారంభించిన ఆమెకు నిర్వాహకులు ఘన స్వాగతం పలికారు. ఈ సందర్భంగా ప్రియ భవానీ శంకర్ మాట్లాడుతూ, నేటి వేగవంతమైన జీవనశైలిలో ఆరోగ్యాన్ని కాపాడుకోవడం ప్రతి ఒక్కరికీ పెద్ద సవాలుగా మారిందన్నారు. అందం అనేది కేవలం బాహ్య రూపానికి మాత్రమే పరిమితం కాదని, ఆరోగ్యకరమైన జీవన విధానం, సరైన ఆహారపు అలవాట్లు, ఫిట్నెస్పై శ్రద్ధ…
